दीपिका आणि रणवीरचे अलिबागमधील नवीन घर पाहिले का ?

आपला आवाज न्यूज नेटवर्क
२० ऑगस्ट २०२२

बॉलिवूडमधील सर्वात प्रसिद्ध जोडपे दीपिका पदुकोण आणि रणवीर सिंग हे सर्वांचे आवडते आहेत. त्यांच्या केमिस्ट्रीपासून ते त्यांच्या प्रत्येक गोष्टीची जवळपास रोजच चर्चा होत असते. दीपिका आणि रणवीरला बी-टाउनमधलं बेस्ट कपलदेखील म्हटलं जातं. दोघांचे एकमेकांशी एक सुंदर बंध आहे आणि त्याची झलक त्यांच्या सोशल मीडियावरही सातत्याने दिसते. अलीकडेच, या जोडप्याने अलिबागमध्ये एक नवीन घर विकत घेतले, ज्याचे फोटो रणवीरने शेअर केले आहेत.बॉलिवूड सुपरस्टार दीपिका पदुकोण आणि रणवीर सिंग यांना जगभरातील त्यांचे चाहते प्रेमाने ‘दीपवीर’ म्हणतात. या जोडप्याने मुंबईजवळील समुद्रकिनारी अलिबाग येथील त्यांच्या आलिशान घरात नुकतीच गृहप्रवेशाची पूजा केली.

भारतातील सर्वात पावरफुल कपल, जे त्यांच्या वैयक्तिक आयुष्याबद्दल अत्यंत खाजगी आहेत, त्यांनी त्यांच्या सोशल मीडियावर गृह प्रवेश सोहळ्यातील काही सुंदर आणि हृदयस्पर्शी क्षण शेअर केले. या खासगी सोहळ्यात दीपवीरसोबत त्यांचे कुटुंबियही होते.पहिल्या फोटोत रणवीर आणि दीपिका गृहप्रवेशाची पूजा करताना दिसत आहेत. दुसऱ्या फोटोमध्ये होमात दोघं नैवेद्य दाखवताना दिसत आहेत. यानंतर तिसऱ्या फोटोत कलश दिसत आहे. चौथ्या फोटोत दोघेही आरती करत आहेत. पाचव्या फोटोत कपल एकमेकांचा हात धरून बसले आहे. एका फोटोमध्ये रणवीर नारळ फोडून त्यातील पाणी काढत आहे. शेवटच्या फोटोत दोघेही घराचा मुख्य दरवाजा उघडताना दिसत आहेत पण त्यात त्यांचा फक्त हात दिसत आहे.

अलीकडेच रणवीर आणि दीपिकाने एकत्र रॅम्प वॉक केले, ज्याचे फोटो आणि व्हिडिओ सोशल मीडियावर मोठ्या प्रमाणात व्हायरल होत आहेत. रॅम्पवर दोघेही एकमेकांमध्ये हरवले होते आणि त्यांचे चाहते त्यांच्यापासून नजर हटवू शकले नाहीत. दीपिकाचे कौतुक करताना रणवीरच्या अनेक फोटोंचीही खूप चर्चा झाली. त्याला पाहून असे वाटते की तो दीपिकावर आयुष्यभर मनापासून प्रेम करत राहील.