नियमबाह्य कामे, कामचुकारपणा , निकृष्ट दर्जाचे काम केल्यास करणार कारवाई- आयुक्त राजेश पाटील यांचा इशारा…

रोहित खर्गे
विभागीय संपादक

पिंपरी- दि. ९ जून २०२१
नियमबाह्य कामे, कामचुकारपणा आणि निकृष्ट दर्जाचे काम आढळून आल्यास संबंधित अधिकारी कर्मचा-यांवर जबाबदारी निश्चित करुन कारवाई केली जाईल असा इशारा आयुक्त राजेश पाटील यांनी दिला. प्रत्येक कामाचे ऑडीट केले जाणार असून निर्धारीत वेळेत काम पूर्ण करण्याची दक्षता सर्व अधिका-यांनी घ्यावी असेही ते म्हणाले.

महापालिकेच्या निगडी येथील अ क्षेत्रीय कार्यालयास आज आयुक्त राजेश पाटील यांनी भेट देऊन प्रभाग क्र. १० आणि १४ मधील कामे तसेच विविध उपाययोजनांबाबत आढावा बैठक घेतली. बैठकीस अ प्रभाग अध्यक्षा शर्मिला बाबर, नगरसदस्या मंगला कदम, वैशाली काळभोर, अनुराधा गोरखे, मीनल यादव, नगरसदस्य तुषार हिंगे, केशव घोळवे, प्रमोद कुटे, अ क्षेत्रीय अधिकारी सुचिता पानसरे, सहशहर अभियंता प्रविण लडकत, कार्यकारी अभियंता रविंद्र पवार, सुनिल वाघुंडे, रामनाथ टकले, अनिल शिंदे, संदेश चव्हाण, आकुर्डी रुग्णालयाच्या ज्येष्ठ वैद्यकीय अधिकारी डॉ. सुजाता साळवे, आपत्ती व्यवस्थापन अधिकारी ओमप्रकाश बहिवाल, सहाय्यक आरोग्य अधिकारी एम. एस. शिंदे आदींसह स्थापत्य, विद्युत, स्थापत्य क्रीडा, पाणीपुरवठा, स्थापत्य उद्यान, झोनिपु स्थापत्य, आरोग्य, जलनि:सारण, अतिक्रमण आदी विभागांचे अधिकारी उपस्थित होते.

प्रभाग स्तरावर चाललेली कामे, येथील समस्या, प्रश्न तसेच हाती घेण्यात आलेल्या प्रकल्पांची सद्यस्थिती, पावसाळी कामे, कोरोना विषयक नियोजन, अतिक्रमण अशा विविध विषयांवर बैठकीत चर्चा झाली. जीर्ण वृक्षांची छाटणी, विद्युत तारांवर तसेच धोकादायक ठरणा-या झाडांच्या फांद्यांची छाटणी, हॉकर्सचे अतिक्रमण आणि व्यवस्थापन, ट्रांझिट कॅम्प, पाणी पुरवठा नियोजन याबाबत नगरसदस्यांनी विविध मुद्दे मांडले. नाल्यांची कामे तातडीने करावी, रस्त्यावरील खड्डे बुजवावे, पदपथावरील अतिक्रमण हटवावे, चौकांमध्ये मोठ्या प्रमाणावर अतिक्रमण वाढले असून त्यावर तात्काळ कारवाई करावी, शाहूसृष्टी, सायन्स पार्�