मी लवकरच देवेंद्र फडणवीसांची भेट घेणार – संजय राऊत
आपला आवाज न्यूज नेटवर्क
१० नोव्हेंबर २०२२
उद्धव ठाकरे गटातील नेते तथा खासदार संजय राऊत हे पत्राचाळ घोटाळ्याप्रकरणी मागील काही दिवसांपासून तुरुंगात होते. साधारण १०० दिवसांनी ते जामिनावर बाहेर आले आहेत. दरम्यान, तुरुंगातून बाहेर आल्यानंतर त्यांनी राज्यातील सरकार मुख्यमंत्री एकनाथ शिंदे नव्हे तर उपमुख्यमंत्री देवेंद्र फडणवीस चालवत आहेत, असा खोचक टोला लगावला. तसेच राऊत यांनी फडणवीस यांचे कौतूकही केले आहे. लवकरच मी फडणवीसांची भेट घेणार आहे, असे राऊत म्हणाले आहेत.