पिंपरी, (दि. 14) : जुन्या कात्रज घाटात भरधाव पीएमपीएमएल बसने दुचाकीला धडक दिल्याने दोघांचा जागीच मृत्यू झाला, तर एक तरुणी गंभीर जखमी झाली आहे. सकाळी साडेआठच्या सुमारास भिलारेवाडी वळणाजवळ हा अपघात घडला आहे.

पीएमपीएमएल ची बस कात्रजहून आंबेगावकडे भरधाव वेगात जात होती. त्याचवेळी समोरून एक हिरो होंडा पॅशन प्रो या दुचाकीवर तीन जण प्रवास करत होते. वळणावर नियंत्रण सुटल्याने बस आणि दुचाकीची जोरदार धडक झाली. अपघातात दुचाकीवरील तिन्ही जण खाली पडले, त्यापैकी दोघांचा जागीच मृत्यू झाला, तर एक जण गंभीर जखमी झाला.या दुर्घटनेत आकाश रामदास गोगावले (वय 29, रा. सासेवाडी) आणि अनुष्का प्रकाश वाडकर (वय 27) या दोघांचा मृत्यू झाला आहे. तर नेहा कैलास गोगावले (वय 20) ही तरुणी गंभीर जखमी झाली असून तिला तातडीने भारती रुग्णालयात दाखल करण्यात आले आहे. तिची प्रकृती चिंताजनक असल्याचे डॉक्टरांनी सांगितले आहे.

या दुर्घटनेत आकाश रामदास गोगावले (वय 29, रा. सासेवाडी) आणि अनुष्का प्रकाश वाडकर (वय 27) या दोघांचा मृत्यू झाला आहे. तर नेहा कैलास गोगावले (वय 20) ही तरुणी गंभीर जखमी झाली असून तिला तातडीने भारती रुग्णालयात दाखल करण्यात आले आहे. तिची प्रकृती चिंताजनक असल्याचे डॉक्टरांनी सांगितले. दोन्ही मृतदेह पोस्टमार्टमसाठी पाठवण्यात आले आहेत.बस चालकाची ओळख सुधीर दिलीप कोंडे (वय 42, रा. पुणे) अशी झाली असून पोलिसांनी त्याला ताब्यात घेतले आहे. अपघाताचे नेमके कारण अद्याप स्पष्ट झालेले नसले तरी प्राथमिक माहितीनुसार बसचा वेग जास्त असल्याची शक्यता व्यक्त केली जात आहे. पोलिसांनी घटनास्थळाचा पंचनामा केला असून दोन्ही वाहनं ताब्यात घेण्यात आली आहेत.