नारायणगाव (किरण वाजगे कार्यकारी संपादक)
जुन्नर वनपरीक्षेत्र हद्दीत मांजरवाडी येथील सुतारवाडा या ठिकाणी मोठ्या प्रमाणावर बिबट समस्या असल्याने या ठिकाणी तीन बिबटे व नंतर पाच बिबट दिसून आल्याने या ठिकाणी दिल्लीहून आणलेल्या अनायडर यंत्राचा प्रथमत:च वापर करण्यात येत आहे. उपवनसंरक्षक अमोल सातपुते यांच्या संकल्पनेतून जुन्नर वनविभागात ५० अनायडर यंत्रे चाचणी करीता खरेदी करण्यात आली आहेत, त्यापैकी एक यंत्र आज वनपरिक्षेत्र अधिकारी प्रदीप चव्हाण यांच्या हस्ते मांजरवाडी येथील सुतारवाडा येथे लावण्यात आले.

ग्रामस्थांची विशेष काळजी घेतली जावी व ते सतर्क व्हावेत व त्यांना धोक्याचा इशारा या यंत्राच्या माध्यमातून होईल. या यंत्राच्या समोरून जर ती ३० ते ४० मीटर अंतरावरून बिबट प्राणी गेला तर या मशीन मधून मोठा कर्कश्श ध्वनी निर्माण होतो व तो आवाज ऐकून बिबट तेथून निघून जातो. जर बिबट दुसऱ्यांदा तिथे आलाच तर तो तिसऱ्यांदा या ठिकाणी आवाजामुळे पुन्हा येण्याचे धाडस करत नाही असा अनायडर यंत्र वापरानंतरचा अनुभव असल्याचे ग्रामस्थ सांगतात.
जुन्नर वनविभागात ३ यंत्रे नारायणगाव कोल्हेमळा, आर्वी येथे बिबट्याचा मोठ्या प्रमाणात वावर असल्याने बसविण्यात येणार असून पैकी १ मांजरवाडी येथील शेतकरी जनार्दन मुळे यांच्या शेतात घरापासून १५ ते २० फूट अंतरावर लावण्यात आले आहे. घराजवळ बिबट्या येऊ नये व अपघात घडू नये याकरिता या यंत्राचा वापर करण्यात येत आहे. सुतारवाडा येथे एकूण ४ घरे असून बिबट्याचा मोठ्या प्रमाणात वावर असल्याने हा प्रयोग इथे या ठिकाणी करण्यात येत आहे. असे वनपरीक्षेत्र अधिकारी चव्हाण यांनी सांगितले.
अनायडर मशीनचा प्रयोग
यशस्वी झाला तर घराजवळ येणाऱ्या बिबट्यांपासून सुरक्षितता राहण्यासाठी या यंत्राचा व्यापक वापर पुढे करता येऊ शकेल व अपघातांना आळा घालणे शक्य होणार आहे, असे मत अमोल सातपुते यांनी व्यक्त केले.
याप्रसंगी मांजरवाडी ग्रामस्थ उपसरपंच संतोष मोरे, वनपाल अनिता होले, वनरक्षक ज्ञानेश्वर पवार, आपदा मित्र सुशांत भुजबळ, ग्रामपंचायत संघटनेचे अध्यक्ष जनार्दन मुळे, संतोष चौधरी, पोलीस पाटील सचिन टावरे, शिवाजी चोपडा, वैभव राऊत, नमेश थोरात, गोरक्ष चौधरी, ग्राम सुरक्षा रक्षक दल सदस्य रामकृष्ण, चोपडा, तुषार टेके आदी उपस्थित होते.