नारायणगाव : एकाच मुलीने केली दोन मुलांबरोबर लग्न! साडेचार लाख रुपयांसह दागिने लंपास

वडील , भाऊ, बहिण नसुन आई एकटीच आहे. ती आजारी असल्याने लग्न करायचे असेल तर मुलीच्या आईसाठी  १ लाख ३० हजार रुपये द्यावे लागतील असे  मीरा विसलकर व बाळु सरवदे यांनी सांगितले. या गोष्टीवर विश्वास ठेवून वायकर यांनी पैसे दिले. त्या नंतर ठरल्या प्रमाणे  १० मे रोजी शिवपार्वती विवाह सोहळा केंद्र भाईकोतवाल चौक, जुन्नर येथे वैदीक पध्दतिने लग्न झाले. जुन्नर कोर्टामध्ये नोंदणी करण्यासाठी वधू , वर गेले असता वधूच्या कागदपत्रामध्ये अनियमितता असल्याने  नोंदणी झाली नाही. त्या नंतर १७ मे रोजी रोजी  पत्नी संध्या हिला मीरा बन्सी विसलकर या माहेरी घेऊन गेल्या. त्या नंतर संध्याला वारंवार फोन केला, परंतु आजारी असल्याचे कारण सांगून तिने सासरी येण्यास टाळाटाळ केली. दरम्यान २८ मे २०२३ रोजी वायकर यांनी मीरा  विसलकर यांना फोन केला असता संध्या ही पळून गेली आहे. तुम्हाला लग्नासाठी दुसरी मुलगी देते. पोलिस ठाण्यात तक्रार दाखल करू नका. असे विसलकर यांनी सांगितले. या मुळे आपली फसवणूक झाली असल्याचा संशय वायकर यांना आला. दरम्यान वायकर यांनी चौकशी केली असता आपल्या बरोबर विवाह झालेल्या मुलीचा विवाह अश्विनी रामदास गवारी असे बनावट नाव सांगून २८ मार्च २०२३ रोजी मीरा  विसलकर व शिवाजी कुरकुटे यांनी खोडद येथील हारीश बाळशिराम गायकवाड यांच्या सोबत लावून दिला.त्या नंतर अश्विनी  गवारी व एजंट पसार झाले. विवाह जमवण्यासाठी गायकवाड यांच्याकडून विसलकर हिने १ लाख ६० हजार रुपये घेतल्याचे समजले. बनावट नाव वापरून एकाच मुलीचा सागर वायकर व हरीश गायकवाड यांच्या सोबत विवाह करून दागिने व रोख रक्कम अशी सुमारे साडेचार लाख रुपयांची फसवणूक केल्या प्रकरणी दिलेल्या फिर्यादी वरून नारायणगाव पोलिसांनी तीन एजंटावर गुन्हा दाखल केला आहे. दरम्यान याच प्रकारे आळेफाटा येथील तरुणाबरोबर १८ मे रोजी आळंदी येथील मंगल कार्यालयात विवाह करून अडीच तोळे सोन्याचे दागिने व एक लाख रुपये रोख रक्कम घेऊन फसवणूक झाल्या प्रकरणी आळेफाटा पोलीस ठाण्यात तक्रार दाखल करण्यात आली आहे.

अशाप्रकारे बनावट लग्न लावून फसवणूक करणाऱ्या टोळीचा पोलीस शोध घेत आहेत. याच प्रकारे जुन्नर सह आंबेगाव तालुक्यातील  पाच ते सहा तरुणांची फसवणूक झाली असून बदनामीच्या भीतीने ते तरुण तक्रार देण्यास पुढे येत नाहीत.