रयतच्या पदाधिकाऱ्यांनी आम आदमी पार्टी मध्ये केला जाहिर प्रवेश
पिंपरी : आम आदमी पार्टीचे महाराष्ट्र प्रदेश प्रमुख संघटक विजय कुंभार यांच्या उपस्थितीत पिंपरी चिंचवड शहरातील रयत स्वाभिमानी संघटनेच्या पदाधिकाऱ्यांनी आज आम आदमी पार्टीत प्रवेश केला. रयत स्वाभिमानी संघटनेचे सरचिटणीस रविराज काळे यांच्या पुढाकाराने हा पक्षप्रवेश सोहळा पार पडला.
पुणे जिल्ह्यात आम आदमी पार्टीला तरूणांची मोठी साथ लाभली आहे. आजचा होणारा पक्षप्रवेश पिंपरी चिंचवड शहरात मोठा झंझावात उभा करेल असा विश्वास विजय कुंभार यांनी व्यक्त केला.
पिंपरी चिंचवड महानगरपालिका भागात विकास कामे जोराने सुरू आहेत. सर्व तरुणांनी एकत्र येऊन स्थानिक पातळीवर बूथ कमिट्या सक्षम करण्याचे काम करावे. यातूनच आता येऊ घातलेल्या महापालिका व विधानसभेच्या निवडणुकांमध्ये निर्णायक जागांपर्यंत पोहचू ,असा विश्वास विजय कुंभार यांनी व्यक्त केला.
यावेळी रयत स्वाभिमानी संघटनेचे अध्यक्ष सुर्यकांत सरवदे, रविराज काळे, ऋषिकेश कानवटे,निरज सुतार, ओमकार भोईर, योगेश गायकवाड, अभिजित कदम,अजय थेरूडकर यांच्यासह अनेकांनी पक्षात प्रवेश केला. पक्षप्रवेश झाल्यानंतर सुर्यकांत सरवदे यांनी पिंपरी चिंचवड महानगरपालिकामध्ये भाजपाने केलेला भ्रष्टाचार शहरातील नागरिकांसमोर उघडा करणार असल्याचे सांगितले.
