शहरातील वीज बिलात १० रुपये सवलत
०७ नोव्हेंबर २०२२
पिंपरी
वीजबिलासाठी छापील कागदाचा वापर पूर्णपणे बंद करून केवळ ई – मेल व एसएमएसचा पर्याय निवडीला पर्यावरणस्नेही वीजग्राहकांची हळूहळू प्रतिसाद मिळत आहे. ‘ महावितरण’च्या गो ग्रीन योजनेमधून बिलासाठी कागदाचा वापर बंद करून वीजबिलाची दरमहा प्रत सॉफ्ट कॉपीमध्ये जतन करून ठेवण्याचा लाभ ग्राहकांनी घेतला आहे . त्यासाठी महावितरणने प्रतिबिल १० रुपये सवलत दिली होती . त्यापैकी , पिंपरी – चिंचवडमधील एकूण ७ लाख ६ ९ हजार ग्राहकांपैकी २५ हजार ६ ९ ० ग्राहकांनी या योजनेचा लाभ घेतला आहे . पर्यावरणाचा -हास टाळण्यासाठी ही योजना सुरु केली आहे.
यामध्ये वीजबिलाच्या छापील कागदाऐवजी फक्त ई – मेल व एसएमएसचा पर्याय निवडल्यास ग्राहकांना प्रतिबिलात १० रुपये सवलत देण्यात येते. त्यामुळे , बिलांमध्ये वार्षिक १२० रुपयांची बचत मिळत आहे . बिल तयार झाल्यानंतर लगेचच ई – मेल तसेच एसएमएसद्वारे दरमहा बिल प्राप्त होणार असल्याने ग्राहकांना तत्काळ ऑनलाईनद्वारे भरण्याची सोय उपलब्ध आहे . ग्राहकांना छापील बिलांची गरज भासल्यास त्यांना ई – मेलद्वारे प्राप्त झालेले दरमहा बिल संगणकात सॉफ्ट कॉपीमध्ये जतन करून ठेवता येते. सोबतच महावितरणच्या www . mahadiscom.in या अधिकृत संकेतस्थळावर चालू बिलासह मागील ११ महिन्यांचे असे एकूण १२ महिन्यांचे बिले मूळ स्वरूपात उपलब्ध आहेत. आवश्यकतेप्रमाणे ग्राहकांना ते कधीही डाऊनलोड करण्याची किंवा मूळ स्वरूपात रंगीत प्रिंट करण्याची सोय आहे.