माजी महापौर किशोरी पेडणेकर दादर पोलीस स्टेशनमध्ये चौकशीसाठी हजर
आपला आवाज न्यूज नेटवर्क
०१ नोव्हेंबर २०२२
माजी महापौर किशोरी पेडणेकर सध्या भाजपा नेते किरीट सोमैया यांच्या रडारवर आहेत. किशोरी पेडणेकर यांनी एसआरए प्रकल्पात घोटाळा केल्याचा गंभीर आरोप सोमैया यांनी केला आहे. याचे कथित पुरावे किरीट सोमैयांनी सादर केले आहेत. या प्रकरणाच्या चौकशीसाठी किशोरी पेडणेकर दादर पोलीस ठाण्यात हजर झाल्या आहेत.
झोपडपट्टी पुनर्विकास प्रकल्पात सदनिका देण्याच्या नावाखाली रक्कम घेऊन फसवणूक केल्याप्रकरणी दादर पोलीस ठाण्यात गुन्हा दाखल करण्यात आला होता. या प्रकरणात पेडणेकर यांच्यावरही आरोप करण्यात आले होते. याप्रकरणी किरीट सोमैयांनी दादर पोलीस ठाण्यात पेडणेकर यांच्या चौकशीची मागणी केली होती.या चौकशीसाठी पेडणेकर दादर पोलीस ठाण्यात दाखल झाल्या आहेत.