पुनावळे कचरा डेपोची जागा ताब्यात घ्या ,सामाजिक कार्यकर्ते रमेश वाघेरेंची आयुक्तांकडे मागणी

रोहित खर्गे
विभागीय संपादक
१९ ऑक्टोबर २०२१

पिंपरी

पुनावळे येथे २० वर्षापूर्वी कचरा डेपोचे आरक्षण टाकून काही बिल्डर व राजकारणी लोकांनी पुनावळे व आजूबाजूच्या गावांचे जमिनीचे भाव पाडले . त्यानंतर याच बिल्डरांनी व राजकारणी लोकांनी हजारो एकर जमीन कवडीमोल भावाने खरेदी केली . त्यानंतर प्रशासनाला हाताशी धरून कचरा डेपोची जागा ताब्यात घेण्यास २० वर्षे विलंब केला . त्यामुळे आयुक्त साहेब आपण अशा बिल्डर व राजकारणी लोकांचा डाव पुनावळे कचरा डेपोची जागा ताब्यात घेवून उधळून लावा . मोशी कचरा डेपोची क्षमता संपली आहे.

कचरा डेपोचे आरक्षण टाकून काही बिल्डर व राजकारणी लोकांनी पुनावळे व आजूबाजूच्या गावांचे जमिनीचे भाव पाडले

पुनावळे येथे ७४ एकर वनखात्याची जमिनीवर कचरा डेपोचे आरक्षण आहे. या जमिनीच्या मोबदल्यात शासनाला अंदाजे ४ कोटी रुपये देण्यात आले आहेत . तसेच पिंपरी सांडस येथे वनविभागाला पर्यायी जागा देण्याचे निश्चित झाले आहे. त्यामुळे आयुक्तसाहेब आपण लवकरात लवकर शासनाकडे पाठपुरावा करून हि ७४ एकर जागा ताब्यात घ्यावी . आत्तापर्यंत २० वर्षात पिंपरी चिंचवड महानगरपालिकेत जे जे आयुक्त होऊन गेले ते हि जागा ताब्यात घेवू शकले नाही . परंतु आयुक्त साहेब आपली काम करण्याची क्षमता व अंदाज पासून आपण हि पुनावळे कचरा डेपोची जागा ताब्यात घेवून बिल्डर व राजकारणी लोकांचा डाव उधळून लावावा. अशी मागणी सामाजिक कार्यकर्ते रमेश वाघेरे यांनी निवेदनाद्वारे आयुक्त राजेश पाटील यांच्याकडे केली आहे. आयुक्त आता काय निर्णय घेतात याकडे जनतेचे लक्ष लागले आहे.