राजर्षी शाहू प्रतिष्ठान व जहाँगीर मेडिकल रिसर्च सेंटर यांच्या वतीने कुंभार आळीमध्ये लहान मुलांचे आरोग्य शिबीर संपन्न…

बातमी : विभागीय संपादक रवींद्र खुडे
शिरूर : दि. 19/06/2021

शिरूर शहरातील कुंभार आळी येथे, लहान मुलांचे मोफत आरोग्य तपासणी शिबिर शुक्रवार दि. १८ जून २०२१ रोजी पार पडले. त्यात दोनशे पन्नास मुलांची मोफत आरोग्य तपासणी करण्यात आली. राजर्षी शाहु प्रतिष्ठान, शिरूर व हिराबाई कावसजी जहांगीर मेडिकल रिसर्च सेंटर पुणे, यांच्या संयुक्त विद्यमाने हे शिबीर घेण्यात आले.
राजर्षी शाहु महाराज यांच्या जयंती निमित्त, मोफत आरोग्य तपासणी शिबिराचे आयोजन करण्यात आले असल्याचे, राजर्षी शाहु प्रतिष्ठानचे संस्थापक अध्यक्ष भगवान रामचंद्र श्रीमंदिलकर यांनी सांगितले.

सभागृहनेते व प्रसिद्ध उद्योगपती प्रकाश धरिवाल यांच्या माध्यमातून, शिरूर शहरात मोफत ऑक्सिजन पुरवठा करून अनेक रुग्णांचे प्राण वाचवीणारे ऑक्सीजनदूत संतोष शितोळे, तुकाराम खोले, बंटी जोगदंड, दादाभाऊ लोखंडे, सागर पांढरंकामे व याकाळात सामाजिक बांधिलकी जपत अनेक कुटुंबांना अन्नधान्याची मदत करणाऱ्या डॉ. वैशाली साखरे, आरोग्य शिबिराच्या माध्यमातून आरोग्य सेवा देणाऱ्या डॉ संध्या गायकवाड, यांना राजर्षी शाहु कोरोना योद्धा पुरस्कार देऊन गौरविण्यात आले.
सध्या कोरोना महामारीने सगळीकडे परिस्थिती बिकट झाली आहे. अनेकांना आपले प्राण गमवावे लागले आहेत. संभाव्य तिसरी लाटेची शक्यता वर्तविली जात आहे. हि लाट लहान मुलांना धोकादायक असल्याचे बोलले जात आहे. याच पार्श्वभूमीवर, राजर्षी शाहु प्रतिष्ठानने लहान मुलांचे मोफत आरोग्य तपासणी शिबीर आयोजित केले होते. या शिबिरास प्रचंड प्रतिसाद मिळत, सुमारे दोनशे पन्नास मुलांची मोफत आरोग्य तपासणी करण्यात आली.

या शिबिरामध्ये शहरातील ० ते १८ वयोगटातील मुला मुलींचे, तज्ञ डॉक्टरांकडून हिमोग्लोबिन, वजन, उंची, कॅल्शियम, हाडांची तपासणी करून एक्सरे काढण्यात आले. शिबिरामध्ये मुलांना मोफत औषधांचे वाटप करण्यात आले असुन, सहभागी मुलांना मास्क व खाऊ देण्यात आल्याचे अनिल सोनवणे यांनी सांगितले.
मोफत आरोग्य तपासणी शिबिरामध्ये तज्ञ डॉक्टरांकडून मुलांच्या वाढत्या वयानुसार, वजन व उंची योग्य प्रमाणे वाढ होते की नाही, याची मोफत तपासणी करण्यात येते. तसेच त्यांना मोफत औषधे दिले जात असल्याचे डॉक्टर संध्या गायकवाड यांनी सांगितले.
राजर्षी शाहु प्रतिष्ठानच्या, या उपक्रमाचे नागरिकांनी कौतुक करत समाधान व्यक्त केले आहे. यावेळी निवासी नायब तहसीलदार श्रीशैल व्हट्टे, माजी सरपंच विठ्ठल घावटे, किसन जामदार, शशिकांत शिर्के, विजय शिर्के, नगरसेविका अंजली थोरात, नगरसेवक संजय देशमुख, संतोष जामदार, अमित शिर्के, शिवसेना शहर प्रमुख मयुर थोरात, संदिप जामदार, विनोद शिर्के, पत्रकार अनिल सोनवणे, पत्रकार मुकुंद ढोबळे, पत्रकार रवींद्र खुडे, डॉ. संध्या गायकवाड, सुवर्णा अरबूज, डॉ. शीतल भोर, डॉ. अनघा देशमुख, सोनल कस्तुरे, ओंकार कांबळे, प्रमोद कंगारे, अविनाश शिंदे, लक्ष्मण कांबळे, स्नेहा कांबळे, सुमन शेळके, जयश्री क्षीरसागर, सविता जगदाळे, कल्पेश जगताप आदी मान्यवर उपस्थित होते.