शिरूर ग्रामीण (रामलिंग) येथे कोव्हीड प्रतीबंधक लसिकरणास नागरिकांचा उत्स्फूर्त प्रतीसाद, पहिल्याच दिवशी १४७ जणांचे लसीकरण…

कोव्हीडच्या पार्श्वभूमीवर शासनाने नागरिकांसाठी लसीकरण मोहिमेची सुरुवात केली आहे. परंतु रामलिंगच्या ग्रामस्थांना रामलिंग येथेच लस मिळावी अशी ग्रामस्थांची इच्छा होती. त्यानुसार शिरूर ग्रामीण ग्राम पंचायतने शिरूर – हवेलीचे आमदार अशोक पवार यांच्याकडे त्यासाठी पाठपुरावा केला होता. त्याला यश येऊन दी २४ एप्रिल २०२१ रोजी रामलिंग येथील सांस्कृतिक भवनात लसिकरणाला सुरुवात झाली.

 आमदार अशोक पवार व पुणे जिल्हा परिषद कृषी व पशुसंवर्धन समितीच्या सभापती सुजाता अशोक पवार यांच्या प्रयत्नांमुळे रामलिंग येथे लसीकरण सुरू झाल्याने, ग्रामस्थांनी आनंद व्यक्त केला. 

शिरूर कृ .ऊ. बा. समीतीचे माजी सभापती शशीकांत दसगुडे, रामलिंगचे सरपंच नामदेव जाधव, ऊपसरपंच ऊज्वला नेटके, ग्रामसेवक बाळासाहेब शेळके, सामाजिक कार्यकर्ते शरद पवार, ग्रा पं कर्मचारी शिवाजी दसगुडे, सेवानिवृत पोलीस कल्याणकारी असोसिएशन महाराष्ट्र राज्य संघटनेचे राज्याचे सचिव संपत जाधव, शिरूर ग्रामीण ग्रामपंचायतीचे सदस्य नितीन बोऱ्हाडे, यशवंत कर्डीले, सर्व ग्रामपंचायत सदस्य यांच्या प्रयत्नातून, शिरूर ग्रामीण ग्रामपंचायतीच्या हद्दीत झाली. या लसिकरणासाठी वयोवृद्धासह ४५ वर्ष वयावरील नागरिकांनी उत्स्फूर्त प्रतिसाद दिला. पहिल्याच दिवशी एकुण १४७ नागरिकांनी लसीकरण केले. कोव्हिड चे नियम पाळत, अतिशय शिस्तबद्ध वातावरणात लसीकरण पार पडले. लसीकरण शांततेत पार पाडण्यासाठी सरपंच नामदेव जाधव यांच्यासह, कृ. ऊ. बा. समिती शिरुरचे माजी सभापती शशिकांत दसगुडे, माजी आदर्श सरपंच अरूण घावटे, राष्ट्रवादी काँग्रेसचे तालुका अध्यक्ष अमोल वर्पे, सरपंच तुषार दसगुडे, माजी सरपंच रामदास जामदार, ग्रा पं सदस्य हीराप्पा जाधव, ग्रा पं सदस्य अनिल लोंढे, माजी ऊपसरपंच सागर घावटे, सदस्य अभिलाश घावटे, मेजर घावटे, राणी कर्डीले, नामदेव चाबुकस्वार, गौतम घावटे, अक्षय जाधव, अतुल जाधव, संकेत दळवी, भरत दसगुडे, अरूण दसगुडे, संभाजी लोंढे, रामदास घावटे, ज्ञानेश्वर रेपाळे, बापु दसगुडे, विठ्ठल जगदाळे, चंद्रकांत लोंढे, दिपक मंजिलकर, तेजस चव्हाण, नामदेव रासकर, शंकर दौंडकर, बाळासाहेब कर्डीले, प्रशांत साबळे, बापु गोसावी, बाळासाहेब जामदार, माधव अभंग, राजु परदेशी यांचे सह सर्वांनी लसीकरण मोहीम यशस्वी होणेसाठी प्रयत्न केल्याचे सरपंच नामदेव जाधव व ग्रामसेवक बाळासाहेब शेळके यांनी, आपला आवाज न्यूज नेटवर्क ला माहिती देताना सांगितले.
लसीकरण शिस्तबध्द झालेणे व आपल्या गावातच लस मिळाल्याने, सर्व नागरिकांनी लसीकरण आयोजनाचे मनापासुन कौतुक केले .
लसीकरण ऊपलब्ध करून देणेसाठी तालुका आरोग्य अधिकारी डी बी मोरे, आरोग्यसहाय्यक नवले, मीसाळ, क्षीरसाट, यांनी मोलाची मदत केली. तसेच सर्व नागरिकांना लस टोचणेचे काम आरोग्य परिचारिका अर्चना आराख यांनी अतिशय ऊत्तम प्रकारे केले.
तसेच लसीकरणासाठी शिक्षक वृंद व अंगणवाडी सेवीका तसेच शिरूर ग्रामीण ग्रा पं चे सेवक नारायण गायकवाड, राहूल मगर, बकुताई ढवळे, व ईतर सर्व सेवकवर्ग यांनी मोलाचे सहकार्य केले अशी माहिती सेवानिवृत्त पोलीस कल्याणकारी असोसिएशनचे राज्य सचिव व निवृत्त पोलीस अधिकारी संपत जाधव यांनी दिली.

 लसीकरण यशस्वी होण्यासाठी सर्व ग्रामस्थांनी स्वयंस्फुर्तीने खारीचा वाटा ऊचलुन लसीकरण मोहीम यशस्वी केली म्हणून, सरपंच नामदेव जाधव यांनी सर्वांचे मनापासुन आभार मानले.
  लसीकरण पुर्ण झाल्यानंतर सर्व शासकीय अधिकारी व कर्मचारी यांचा, शिरूर ग्रामीण ग्रामपंचायतच्या वतीने यथोचित असा सन्मान करण्यात आला. तसेच शिरूर पंचक्रोशीतील १८ वर्षापेक्षा जास्त  वयाचे सर्व नागरिकांना लसीकरण पुर्ण होईपर्यंत, रामलिंग सांस्कृतिक भवन येथे लसीकरण चालु ठेवण्याची विनंती सरपंच जाधव यांनी आरोग्य अधिकारी यांना केली असता, त्यांनी लस ऊपलब्ध होताच गावातील सर्व ग्रामस्थांना लस देण्याचे आश्वासन दिले.

(लसीकरण झाले किंवा पहिली लस घेतली, म्हणजे कोरोनाचा संसर्ग होत नाही असा गैरसमज कृपया करून घेऊ नये, असे वैद्यकीय तज्ञांचे मत असून लोकांनीही कोव्हीडचे सर्व नियम पाळावेत असे आवाहन आपला आवाज न्यूज नेटवर्कच्या वतीनेही सर्व नागरिकांना करण्यात येत आहे.)