पिंपरी-चिंचवड शहरामध्ये ,कोरोनाचा वाढता प्रादुर्भाव रोखण्यासाठी, नियमावली कडक करा, परंतु लॉकडाउन नको – गजानन बाबर, मा. खासदार

रोहित खर्गे
विभागीय संपादक

दि २५ मार्च २०२१
पिंपरी-चिंचवड शहरातील रहिवासी या नात्याने मी आपणास विनंती करू इच्छितो की, पिंपरी-चिंचवड शहरामध्ये कोरोनाचा वाढता प्रादुर्भाव लक्षात घेता, निश्चितपणाने नियमावली कडक करण्याची गरज आहे यात कोणतीही ही शंका नाही परंतु असे करत असताना लॉकडाउन हा पिंपरी-चिंचवड शहरातील कष्टकरी , कामगारवर्ग, हातावरपोट असलेले व्यापारी, उद्योजक, मजूरवर्ग , औद्योगिक कारखाने, हॉटेल्स व्यवसायिक, रिक्षावाले, टपरीधारक, सर्वसामान्य विक्रेते, छोटे उद्योजक, माथाडी कामगार, किरकोळ विक्रेते, दुकानदार यांचाही आपण विचार करावा आज आपण जर पाहिले तर जवळपास एक वर्ष वरील सर्वच वर्ग आर्थिक झळीला सामोरे जात आहेत, जर लॉकडाऊन केला तर वरील वर्गाला आर्थिक कोंडीला सामोरे जावे लागेल , तसेच या वर्गाला आवक जर बंद झाली तर ते आपले उदरनिर्वाह कसे करणार तसेच त्यांचे कर भरणे थांबणार आहे का व विविध कर तरी कुठून भरणार? याचाही शासनाने विचार केला गेला पाहिजे. असे निवेदन राज्याचे उपमुख्यमंत्री व पुण्याचे पालकमंत्री अजित पवार यांना व पिंपरी चिंचवड महानगरपालिकेचे आयुक्त राजेश पाटील यांना दिले आहे.

माननीय मंत्री महोदय, सध्या आपण जर परिस्थिती पाहिली व सर्वतोपरी विचार केला तर लॉकडाउन हा पर्याय होऊ शकत नाही परंतु कोरोनाचा प्रादुर्भाव नक्कीच रोखण्याची गरज आहे यासाठी कडक नियमावलीचा अवलंब केला गेला पाहिजे, आपण आज जर पाहिले तर मास्क लावून, सोशल डिस्टंसिंग ठेवले व सॅनिटायझर वापर या त्रिसूत्रीचा  आपण जर व्यवस्थित पणे वापर केला, तर कोरोनाचा प्रादुर्भाव रोखण्यासाठी निश्चितच फायदा होईल त्यासोबत दुकानाबाहेर रांग लागते त्याकरता दुकानदारांनी मार्किंग करणे, प्रभागवाईज देखरेखीकरता स्कॉड निर्माण करणे, लोकांना घाबरू नये यासाठी समुपदेशन करणे, त्यांच्या मनातील भीती घालवणे यासाठी स्वयंसेवी संस्था डॉक्टरांचे मार्गदर्शन याचे नियोजन करणे हे उपयोगी पडेल .लोकांना कोरोनाच्या काळात व्यवस्थितपणे आरोग्यसेवा कशी देता येईल व संसर्गही होणार नाही याची काळजी कशाप्रकारे घेता येईल याचाही विचार करणे गरजेचे आहे.

आज आपण जर पाहिले तर कोरोनाच्या काळात नागरीकांचा आर्थिक कणा अक्षरशा मोडला आहे, व एखाद्या रुग्णाला खाजगी रुग्णालयात ऍडमिट केले तर खाजगी रुग्णालय खूप मोठ्या प्रमाणात बील करते यामुळे महानगरपालिकेने त्यांच्यावर नियंत्रण ठेवणे अत्यावश्यक आहे, तसेच नागरिकांना व वाढता प्रादुर्भाव लक्षात घेता कोविड सेंटर निर्माण करणे ही पण प्रामुख्याने महानगरपालिकेची जबाबदारी आहे. तसेच कोणताही नागरिक  उपचारापासून वंचित राहणार नाही याची काळजी माननीय आयुक्त साहेब आपण घेतली गेली पाहिजे व ही आपली जबाबदारी व कर्तव्य आहे.

माननीय मंत्री महोदय व आयुक्त साहेब माझी आपणास विनंती आहे की, आपण राज्य शासन असेल व इतर निमशासन असेल तर तिथे आपण 50% हजेरी  हे धोरण स्वीकारले आहे  म्हणजेच 50 टक्के अधिकाऱ्यांना फुकट पगार  दिला जातोय  परंतु  आज आपण गोरगरीब,  कष्टकरी ,  हातावरचे पोट असणाऱ्या  नागरिकांकडे जर पाहिले तर आपल्या लक्षात येईल की लॉकडाउन केल्यामुळे जर त्यांची आवक बंद झाली तर ते  मिळकत कर व इतर कर कसा भरणार याचाही आपण विचार करावा. आज आपण जर पाहिले तर  कोरोनाच्या काळातही नागरिकांनी बिल जर वेळेत भरले नाही तर त्यांचे वीज कनेक्शन लगेच कट केले जाते याचाही माननीय मंत्री महोदय आपण आपल्या स्तरावर निर्णय घ्यावा.

 माननीय मंत्री महोदय माझी आपणास विनंती आहे की आपण पिंपरी चिंचवड शहरातील सर्व नागरिकांचा एक वर्षाचा मिळकत कर माफ करावा जेणेकरून सर्वसामान्य नागरिकांना कोरोनाच्या या आर्थिक संकटात दिलासा मिळेल.

परंतु वरील सर्व करत असताना, प्रादुर्भाव रोखण्यासाठी केंद्राच्या राज्याच्या ज्या काही सूचना असतील त्याची अंमलबजावणी पिंपरी चिंचवड  महानगरपालिकेने काटेकोरपणे करणे तितकेच महत्त्वाचे आहे , यावर आयुक्तांनी वेळीच उपाय योजना केल्या पाहिजेत.

म्हणून माझी वरील सर्व बाबी पाहता माननीय मंत्री महोदय व माननीय आयुक्त साहेब आपणास विनंती आहे की पिंपरी-चिंचवड शहरामध्ये ,कोरोनाचा वाढता प्रादुर्भाव रोखण्यासाठी, नियमावली निश्चितच कडक करा, परंतु लॉकडाउन नको.

Leave a Reply

Your email address will not be published. Required fields are marked *