‘योद्धा@८०’ शॉर्टफिल्म स्पर्धेचा अंतिम निकाल जाहिर !

पुणे येथील आकाश मनोहर फुके यांच्या ‘तेव्हाही आणि आजही’ या शॉर्टफिल्मला प्रथम पारितोषिक !

रोहित खर्गे, विभागीय संपादक

मुंबई दि.११ डिसेंबर – राष्ट्रवादी वेल्फेअर ट्रस्टच्यावतीने देशाचे नेते पद्मविभूषण आदरणीय खासदार शरद पवारसाहेब यांच्या ८० व्या वाढदिवसानिमित्त ‘योद्धा@८०’ शॉर्टफिल्म स्पर्धेचे आयोजन करण्यात आले होते.या स्पर्धेत पुणे येथील आकाश मनोहर फुके यांच्या ‘तेव्हाही आणि आजही’ या शॉर्टफिल्मला प्रथम पारितोषिक प्राप्त झाले आहे.

दरम्यान या स्पर्धेत राज्यभरातून तीनशेहून अधिक संघांनी सहभाग नोंदविला आहे.

राष्ट्रवादी वेल्फेअर ट्रस्टच्यावतीने राज्यभरात सामाजिक, शैक्षणिक आणि सांस्कृतिक उपक्रम राबविले जातात. ही शॉर्टफिल्म स्पर्धा आदरणीय पवार साहेबांच्या राजकीय व सामाजिक कारकिर्दीची माहिती लघुपटाच्या अथवा माहितीपटाच्या माध्यमातून तरूण पिढीपर्यंत पोहोचावी व फिल्म मेकिंग क्षेत्रात कार्यरत असलेल्या युवक-युवतींकडून साहेबांच्या कारकिर्दीवर चांगल्या कलाकृतींची निर्मिती व्हावी, हा या स्पर्धेच्या आयोजनामागील उद्देश होता.

या स्पर्धेत प्रथम पारितोषिक पुणे येथील आकाश मनोहर फुके यांच्या ‘तेव्हाही आणि आजही’ या शॉर्टफिल्मला मिळाला आहे तर द्वितीय पारितोषिक बीड येथील कल्याणी राजेश शिंदे यांच्या ‘पंख’ या शॉर्टफिल्मला आणि तृतीय पुरस्कार डोंबिवली येथील सात्विक ए. वेलसकर यांच्या ‘दोस्त’ या शॉर्टफिल्मला मिळाला आहे. प्रथम क्रमांकासाठी रोख रुपये १ लाख, करंडक, प्रमाणपत्र असे बक्षिसाचे स्वरूप असून, द्वितीय क्रमांकासाठी ७५ हजार रोख रुपये, करंडक, प्रमाणपत्र, तर तृतीय क्रमांकासाठी ५० हजार रोख रुपये, करंडक व प्रमाणपत्र असे बक्षिसांचे स्वरूप आहे.

या व्यतिरिक्त विशेष पुरस्कारही जाहिर करण्यात आले असून या स्पर्धेच्या अंतिम ज्युरी कमिटीमध्ये प्रसिद्ध चित्रपट दिग्दर्शक चंद्रकांत कुलकर्णी, ज्येष्ठ चित्रपट समीक्षक अशोक राणे व प्रसिद्ध चित्रपट अभिनेते अतुल परचुरे यांचा समावेश होता.

विशेष पुरस्कारामध्ये विदर्भ विभागातून अमरावती येथील अभिजीत बाबाराव साबळे यांच्या ‘एक निर्णय’ या फिल्मला, मराठवाडा विभागातून (विभागून) परभणी येथील डॉ. गणेश मदनराव शिंदे यांच्या ‘अजूनही चालतो वाट पुरोगामी विचारांची’ व औरंगाबाद येथील आकाश पंडित वाहटुळे, मंगेश लोखंडे यांच्या ‘जाणता राजा’, कोकण विभागातून रत्नागिरी येथील