कारच्या काचा फोडून चोरी करत महाराष्ट्र व गोवा राज्यात धुमाकूळ घालणारी टोळी पिंपरी चिंचवड युनिट 4 कडून अटक

बातमीदार : रोहित खर्गे, विभागीय संपादक

पिंपरी चिंचवड: दि २९ ऑक्टोबर
६ ऑक्टोबर रोजी दुपारी २.३० ते २.४५ चे दरम्यान बेंगलोर मुंबई हायवेवर सर्व्हिस रोडवर बिटवाईज कंपनी जवळ रोडवर फिर्यादी मिलिंद वेदव्यास राळेगावकर, वय ४८ वर्ष, धंदा- बिल्डिंग कॉन्ट्रॅक्टर रा. सुसगाव, पुणे यांनी त्यांची होंडा सिटी कार लॉक व पार्क करून ठेवली असताना अज्ञात इसमांनी सदर गाडीची काच फोडून मागील सीटवर ठेवलेली रोख रक्कम ५००००रु असलेली बॅग चोरून नेल्याने हिंजवडी पोलीस ठाणे गु.र. नंबर ५४०/ २०२० भा. दं. वि. कलम – ३७९, ४२७ प्रमाने गुन्हा दाखल होता.

मागील एक ते दीड वर्षात पिंपरी चिंचवड पोलिस आयुक्तालय अंतर्गत गाड्यांच्या काचा फोडून होणाऱ्यां चोऱ्यांचे प्रकार मोठ्या प्रमाणात घडल्याने माननीय पोलीस उपायुक्त गुन्हे शाखा सुधीर हिरेमठ यांनी सर्व गुन्हे शाखेचे अधिकारी यांना या प्रकारच्या गुन्ह्यांना प्रतिबंध करून घडलेले गुन्हे उघडकीस आणण्याचे आदेश दिल्याने वरिष्ठ पोलीस निरीक्षक मोहन शिंदे गुन्हे शाखा युनिट ४, पिंपरी चिंचवड यांचे मार्गदर्शनाखाली गुन्हे शाखा युनिट ४ चे अधिकारी व अंमलदारांनी सदर गुन्ह्याचा तपास सुरू केला असता वासुदेव मुंढे , आदिनाथ ओंबासे यांनी सदर कंपनीच्या परिसरातील सीसीटीव्ही फुटेज तपासले असता गुन्हे झाले वेळी सदर परिसरात एक संशयित मोटरसायकल फिरत असल्याचे आढळून आले. तेव्हा सदर स्टाफने सीसीटीव्ही द्वारे बरेच अंतर सदर मोटर सायकलचा माग काढून अंदाजे १०० पेक्षा जास्त सीसीटीव्ही कॅमेरे तपासून मोटारसायकलचा नंबर निष्पन्न केला. सदर क्रमांकाद्वारे मोटरसायकल धारकाचा शोध घेतला असता सदरची मोटरसायकल ही आरोपी गणेश उर्फ नाना माणिक पवार हा वापरत असल्याची व मुंबई येथील रेकॉर्ड वरील गुन्हेगार असल्याची माहिती मिळाल्याने सहाय्यक पोलीस निरीक्षक देशमुख यांनी पथकासह जाऊन त्यास रबाळे नवी मुंबई परिसरातून ताब्यात घेतले.

त्या ताब्यात घेतल्यावर आरोपी बबन काशिनाथ चव्हाण वय ३९ वर्ष राहणार तिऱ्हे तांडा सोलापूर व बसू जगदीश चव्हाण वय ४५ राहणार ससाने नगर रोड , हडपसर पुणे हे त्याचे साथीदार असल्याची माहिती मिळाल्याने तात्काळ एक पथक हडपसर येथे पाठवून बसू जगदीश चव्हाण, यास ताब्यात घेण्यात आले. तसेच मुंबई येथे गेलेले पथक तसेच थेट सोलापुरात जाऊन आरोपी बबन चव्हाण हा शेतात लपून बसलेला असताना स्थानिक पोलिसांच्या मदतीने ताब्यात घेतले. सदर तिन्ही आरोपींना गुन्हे शाखा युनिट ४ चे कार्यालयात आणून कसून चौकशी करता नमूद तिन्ही आरोपितांनी त्यांचे इतर दोन साथीदार राजेश प्रकाश चव्हाण वय ४५ राहणार अंबुज वाडी मालवणी मालाड मुंबई , मारुती माने पवार वय ४० राहणार सोलापूर यांचेसह नमूद गुन्ह्यावेतिरिक्त त्यांनी पुणे व पिंपरी-चिंचवड शहर परिसरात मागील एक-दीड वर्षात २५ ते ३० गाड्यांच्या काचा फोडून लॅपटॉप, रोख रक्कम व इतर साहित्याची चोरी केल्याचे निष्पन्न झाले. सदर आरोपींनी चोरी केलेले लॅपटॉप हे सोलापूर जिल्ह्यात विक्री केल्याचे निष्पन्न झाल्याने सोलापूर येथे जाऊन त्यांच्याकडून माल विकत घेणारे इसम अमोल साहेबराव गुंड राहणार सोलापूर व सुलेमान याकुब तांबोळी राहणार कुमठा नाका सोलापूर यांना ताब्यात घेऊन त्यांचेकडून १८ महागडे लॅपटॉप ३ वायफाय डोंगल जप्त करण्यात आले आहे तसेच बरेच लॅपटॉप हे आरोपींचे फरार साथीदार राजेश चव्हाण व मारुती पवार यांनी मुंबई येथे विक्री केले असल्याचे निष्पन्न झाले आहे.

नमूद आरोपीकडून डेल कंपनीचे ७ एच पी कंपनीचे ५ लिनोव्हा कंपनीचे ४ ऍपल कंपनीचे २ असे एकूण अठरा लॅपटॉप तीन वायफाय डोंगल एक कॅन कंपनीचा कॅमेरा लेन्स लॅपटॉप दोन मोटर सायकल गाडी चे काच फोडण्यासाठी वापरत असलेले साहित्य असा एकूण १२,७७,६२० रुपये किमतीचा मुद्देमाल जप्त करण्यात आला असून त्यांचेकडून पिंपरी चिंचवड पुणे आयुक्तालयातील 13 गुन्हे उघड झाले आहेत. सदर आरोपी सराईत गुन्हेगार असून गणेश पवार यांच्या विरुद्ध मुंबई शहर येथे एकूण 14 गुन्हे दाखल असून तो डिसेंबर 2019 मध्ये ख्रिसमस कालावधीत त्याचे इतर साथीदार सह गोवा राज्यात वास्तव्यात असल्याचे निष्पन्न असून तेथे त्यांनी अशा प्रकारचे गुन्हे केल्याचे सांगितले असून त्याबाबत गोवा राज्यातील पोलिसांची संपर्क साधला असून पुढील तपास करत आहेत आरोपी बसू चव्हाण यांचे विरुद्ध मुंबई शहर व पुणे शहर येथे एकूण १४ गुन्हे नोंद असून त्याच मुंबई शहरातून तडीपार केले नंतर तो पुणे शहरात हस्तगत आला होता तसेच दोन्ही आरोपी राजेश पवार चव्हाण यांच्याविरुद्ध अनुक्रमे २७ व तीन गुन्हे दाखल आहेत.
आरोपींकडून मिळून आलेली अठरा लॅपटॉप पैकी सहा लॅपटॉप चे मूळ मालक मिळून आले असून 12 लैपटॉपचे मालक अद्याप मिळून आले नाही. तरी गाडीची काच फोडून लॅपटॉप चोरी केल्याचा प्रकार आपल्या गुन्हे शाखा युनिट४ पिंपरी चिंचवड येथे संपर्क साधून या बाबत आवाहन करण्यात येत आहे.

सदरची कारवाई पिंपरी-चिंचवडचे पोलीस आयुक्त माननीय श्री कृष्ण प्रकाश, अप्पर पोलीस आयुक्त रामनाथ पोकळे , पोलीस आयुक्त उपायुक्त गुन्हे सुधाकर हिरेमठ , सहाय्यक पोलीस आयुक्त गुन्हे शाखा राजाराम पाटील यांचे मार्गदर्शनाखाली गुन्हे शाखा युनिट ४ चे वरिष्ठ पोलीस निरीक्षक मोहन शिंदे, सहाय्यक पोलीस निरीक्षक अंबरीष देशमुख, सहाय्यक पोलीस उपनिरीक्षक आवटे पोलीस हवलदार प्रवीण दळे, नारायण जाधव , संजय गवारे , दादाभाऊ पवार आदिनाथ मिसाळ, संतोष असवले , तुषार शेटे, लक्ष्मण आढारी , गौस नदाफ , वासुदेव मुंडे , शावरसिद्ध पांढरे, प्रशांत सैद, सूनील गट्टे, तुषार काळे , सुरेश जायभाये, आजिनाथ ओंबासे, धनाजी शिंदे सुखदेव गावंडे , गोविंद चव्हाण तसेच तांत्रिक विश्लेषण विभाग गुन्हे शाखेचे नागेश माळी राजेंद्र शेटे अतुल लोखंडे यांनी केली आहे .